Филипче: Не дефокусираат од борбата против ненародната власт затоа што рејтингот на Мицкоски паѓа а на СДСМ расте

Претседателот на СДСМ Венко Филипче укажа дека дефокусот што го прави мала група поранешни партиски функционери, заедно со претставници на други политички партии меѓу кои и партијата Левица, е затоа што рејтингот на Мицкоски паѓа, а на СДСМ расте. Филипче нагласи дека нивната цел е да го ослабат СДСМ и да ја дефокусираат јавноста од реалните проблеми во државата и критиките кон Владата.

— реклама —

„Сега, кога сериозно се намалува рејтингот на ВМРО, криминалната група и на шефот на мафијата Христијан Мицкоски, а нашиот рејтинг постепено, но сигурно почнува да расте. Ете затоа излегуваат сега и затоа ги праќа Христијан Мицкоски, да не дефокусираат, за да ни го одземат вниманието. Ама нема да успеат“, рече Филипче.

— реклама —

Воедно, Филипче додаде дека нивната цел е да ја дефокусираат јавноста од кризата во државата и реалните проблеми на граѓаните, за кои власта ништо не презема за да им помогне.

„Зошто сега излегуваат и ја дефокусираат јавноста од сите битни теми? Зошто не зборуваат или ни го одземаат вниманието да така силно опозициски ја критикуваме аргументирано власта за лошите политики којашто ги води?Зошто не зборуваат за дата центрите, за намерата на Христијан Мицкоски и на неговата банда да ја земат водата од земјоделците? Зошто не зборуваат за петте нови рудници коишто прв пат се впишуваат во просторниот план?Зошто не дефокусираат од борбата против оваа ненародна власт, којашто за само нецели две и пол години има намера да не задолжи за 4 милијарди евра нови пари. Зошто не дефокусираат од оваа поддршка и добри политики кои што ги предлагаме за поддршка на земјоделството?“, рече Филипче.

— реклама —

Претседателот на СДСМ порача овие обиди за слабеење на СДСМ и за дефокусирање нема да ја спречат СДСМ во политичката борба.

„Нема да успеат. Видовме во минатото поделби на партијата. Видовме формирање на ЗНАМ. Видовме обиди за пуч и крах на Владата. Верувајте, истите луѓе и истите структури се и позади овој проект нема да им успее“, рече Филипче.