Фински државјанин пријавил дека му било оштетено возилото додека било паркирано на подрачјето на Бит Пазар во Скопје, при што биле пронајдени и две зрна од огнено оружје, информира Министерството за внатрешни работи.
На 5 септември во 19:33 часот во СВР Скопје, 30-годишниот А. М. од Финска пријавил дека околу 19:10 часот му било оштетено ветробранското стакло на неговиот автомобил „мерцедес“ со фински национални ознаки.
Според пријавата, тој во внатрешноста на возилото пронашол едно зрно од огнено оружје, а уште едно зрно било пронајдено надвор од автомобилот.
На местото извршила увидна екипа на СВР Скопје, а полициски службеници преземаат мерки за расчистување на случајот.
