Фински суд осуди капетан и член на екипаж за оштетување подморски кабли во Балтичкото Море

Капетанот и еден член на екипажот на товарниот брод „Фитбург“ добија затворски казни од фински суд поради намерно оштетување на два подморски телекомуникациски кабли во Финскиот Залив минатата година.

— реклама —

Окружниот суд во Хелсинки го осуди капетанот, руски државјанин, на три години и шест месеци затвор, додека членот на екипажот од Азербејџан доби казна од две години и десет месеци.

Според судот, бродот намерно го влечел синџирот на сидрото и самото сидро по морското дно во должина од околу 130 километри, при што биле оштетени каблите.

— реклама —

Финските власти го заплениле бродот на 31 декември 2025 година, додека пловел од Русија кон Израел, по сомневањата дека ги оштетил телекомуникациските врски меѓу Хелсинки и Естонија.

— реклама —

Со пресудата, двајцата обвинети треба заеднички да надоместат штета од околу 1,9 милиони евра, а капетанот дополнително треба да плати околу 85.000 евра. Двајцата ги негирале обвиненијата и ја оспорувале надлежноста на финските судови.

Адвокатот на капетанот најавил жалба, додека членот на екипажот сè уште не одлучил дали ќе ја оспори пресудата. Двајцата остануваат во Финска под забрана за патување.

— реклама —

По серијата инциденти со подморски кабли и цевководи во Балтичкото Море од 2022 година, Финска ги засили мерките за заштита на својата подморска инфраструктура.