62-годишен жител на Долно Оризари е лишен од слобода по пријава дека физички нападнал 21-годишник од Битола и му се заканувал со огнено оружје.
Според информациите од МВР, случајот бил пријавен на 28 септември, а во 23:40 часот полициски службеници од СВР Битола го лишиле од слобода Љ.Д. (62) од Долно Оризари.
Претходно, 21-годишник од Битола пријавил дека бил физички нападнат од 62-годишникот, кој истовремено му се заканувал со огнено оружје.
Од МВР информираат дека по целосното расчистување на случајот ќе биде поднесен соодветен поднесок.
