До недела ќе има засилени контроли за користење на телефон додека возите

Од 5 до 11 октомври низ Македонија се спроведуваат засилени сообраќајни контроли во рамки на меѓународната кампања „Focus on the Road“ на ROADPOL, насочена кон непрописното користење мобилни телефони и други електронски уреди при учество во сообраќајот.

— реклама —

Акцијата истовремено се спроведува во 34 европски држави, со цел да се намалат ризиците предизвикани од одвлеченото внимание и да се зголеми безбедноста на сите учесници во сообраќајот.

— реклама —

Од МВР потсетуваат дека пишувањето пораки, телефонските разговори, проверувањето известувања и користењето социјални мрежи додека се управува возило значително го одвлекуваат вниманието од патот. Само неколку секунди невнимание можат да бидат доволни возачот навреме да не забележи опасност или да не успее соодветно да реагира.

— реклама —

Министерството за внатрешни работи апелира до возачите и сите останати учесници во сообраќајот да бидат одговорни и целосно фокусирани на патот.

— реклама —

Телефонот може да почека – безбедноста во сообраќајот не може.