Дел од фасадата од зграда на АД Мепсо, заврши на паркингот. Ова е последица на вчерашните силни ветрови кои го зафатија Скопје. Фасадта е дел од проектот „Скопје 2014“ кој го спроведуваше владата на ВМРО-ДПМНЕ. На бројни пропусти при изведбата на барокната фасада укажуваа и државните ревизори во извештајот за работењето на државната компанија во 2016 година, а утврдено било и прекршување и на неколку закони. Таа чини 10 милиони евра.
„Освен што е криминален, кичерајски, болноумен и слично, проектот Скопје 2014 е и небезбеден за животите на луѓето“, објави Шилегов.
Конкурсот за избор на идејно решение на фасадата на МЕПСО бил распишан во март 2012 година, и уште тогаш се влегува во спорни моменти, бидејќи предмет на конкурсот е изведба на нова фасада на целиот објект, иако компанијата тогаш не ја поседувала целокупната површина на зградата. Три идејни решенија биле избрани и бидејќи се констатирало дека сите можат да се користат за натамошна разработка, доделени се сите три награди во вкупна вредност од 800 илјади денари.
