Ексдиректорот на Зоолошка градина, Ѓорги Галетановски, објави преписка на која имињата и се сокриени, а каде се зборува за тоа зошто во кругот на оваа установа била поставена елка. Според преписката, реакцијата дошла од кабиентот на Данела Арсовска, градоначалничка на Скопје.
„Колеги, во врска со новогодишната елка има реакции од кабинетот на Градоначалник и за истата директорот не дал никому дозвола за јавно објавување, по социјални мрежи. Сите слики да бидат тргнати од социјалните мрежи а за постирање ќе следува санкција за секој што постирал“, стои во една од пораките кои се гледа дека се праќани преку Вибер.
На оваа порака има одговор: „Пишете на елката тогаш. Пошто и публиката беше денеска да се слика“.
Галетановски за преписката вели: „Па добро градов блокиран неукрасен, ама реагирала за елката у зоолошка. Свака част!“.
