Осум лица се повредени во несреќата која вчера се случи кај Соборниот храм во Скопје, потврдуваат од МВР за „Скопје1“. Сите биле однесени во болница. Меѓу нив, повреди имале и тројцата возачи, на трите автомобили.
„Се случила сообраќајна незгода помеѓу патничко моторно возило „шкода“ со скопски регистарски ознаки управувано од А.А.(31) од с.Долно Свиларе-скопско, патничко моторно возило „фолксваген“ со скопски регистарски ознаки управувано од И.И.(35) од с.Долно Количани-скопско и патничко моторно возило „алфа“ со скопски регистарски ознаки управувано од А.Б.(27) од Скопје“, велат од МВР.
Во незгодата со телесни повреди се здобиле тројцата возачи, тројца сопатници од возилото „шкода“ и по еден сопатник од другите две возила констатирани во Комплексот клиники „Мајка Тереза“ и Градската општа болница „Св.Наум Охридски“.
Извршен бил увид од увидна екипа од СВР Скопје.
Повеќе фотографии од несреќата:
