Моето протестно писмо до г-дин Красимир Каракачанов е испратено заедно со орденот и прилог скромен подарок до него - книга "The Soul of Macedonia" од авторот Наце Попов во која сликовито е прикажана и објаснета духовната убавина на нашата држава и народ.
Се надевам дека истото ќе даде допринос за поголемо взаемно вреднување и почитување а воедно и осознавање, напиша денеска на својот ФБ профил Градоначалникот на Куманово Максим Димитриевски.
Инаку Градоначалникот на Куманово Максим Димитриевски најави дека ќе му го врати орденот на Каракачанов кој му беше врачен по повод заедничкото чествување на 22.10.2017 година на битката на Страцин каде во Октомври 1944 година партизанските единици од НОБ, кумановската дивизија и бугарската армија водат борби со германските војски кои ја штитеа одстапницата на германската Е Армија во овој дел на Македонија, датум и жртви вредни за заедничко чествување и почит.
Неодамна Димитриевски на ФБ напиша: Никој нема право да го оспорува нашиот идентитет и наместо да се гледаме во историјата, потребно е да се насочиме кон иднината.
