ФОТО: Дивите објекти од плажите во Охрид се отстранети, сега се уредува крајбрежјето

Екипи на општинските јавни претпријатија во координација со Општина Охрид од денес ќе почнат со активности за уредување на крајбрежниот простор на Охридското Езеро, во потегот од Горица 3 до Аквалина каде што во текот на изминатата седмица се вршеше отстранување на нелегални објекти и остатоци од урбана опрема.

— реклама —

Оваа седмица ќе се врши расчистување на теренот, подигнување на градежниот шут и несоодветниот материјал (тампон), со кој било вршено насипување на крајбрежјето. До сега се подигнати преку 1000 м3 градежен шут.

— реклама —

Во текот на наредните денови ќе се врши насипување и уредување на плажата со речен песок, што е дозволена согласно Планот за управување со светско природно и културно наследство на Охридскиот Регион.

— реклама —

„Упатуваме апел до сите сопственици на објекти на крајбрежниот појас од населбата Свети Стефан до потегот на крајбрежјето кај Градиште, како и потегот на крајбрежјето во делот на населбата Канео и во делот на населбата Далјан, кои нелегално поставиле урбана опрема и платформи, а на кои им беше даден рок самите да ги отстранат нелегалните градби, оваа седмица да пристапат кон отстранување на истите.

— реклама —

Процесот на отстранување на урбаната опрема и бесправните градби од крајбрежниот појас на Охридското Езеро, според планираното ќе продолжи по завршување на активностите на уредување, (во понеделник на 29.6.2020 година) и ќе трае се до конечно расчистување на крајбрежјето“, соопшти Општина Охрид.