Актерот Хадсон Вилијамс се најде во центарот на контроверзија откако на социјалните мрежи повторно почна да се споделува фотографија од неговите средношколски денови, на која на челото има нацртан симбол на свастика.
Фотографијата, која масовно се споделува на платформата Икс, го прикажува денес 25-годишниот актер со маица испишана со потписи и пораки, додека по лицето и вратот му се исцртани различни симболи и имиња.
Според извор близок до актерот, Вилијамс во тоа време не бил свесен што му било нацртано на лицето. Наводно станувало збор за средношколска традиција во која учениците си цртале еден на друг по маиците и телото со фломастери.
Изворот тврди дека симболот не ги одразува ставовите, вредностите или карактерот на актерот и дека станува збор за несоодветно однесување поврзано со младешка несериозност.
Контроверзијата доаѓа во период кога Вилијамс бележи голема популарност по успехот на серијата Heated Rivalry, која минатата година привлече големо внимание кај публиката.
Актерот засега јавно не се огласил по повод фотографијата и реакциите што таа ги предизвика на социјалните мрежи.
