Шумски пожар избувна денеска околу 16:30 часот во атарот на селото Бајково, во Општина Ново Село, на падините на планината Огражден.
Поради опасноста пожарот да се прошири и да ја загрози црквата „Св. Петар и Павле“, во гаснењето ќе се вклучат два ер трактора на Дирекцијата за заштита и спасување.
На терен веќе интервенираат струмичките пожарникари, доброволците од Доброволното противпожарно друштво „Рис“, како и повеќе граѓани кои помагаат во заштитата на црквата од огнената стихија. Според информациите, воздушната поддршка треба да започне во секој момент со цел да се спречи натамошното ширење на пожарот.
