Голема сообраќајна гужва е создадена на патниот правец Гостивар до Стража, бидејќи на влезот на градот се случила сообраќајка.
Според првичните информации, во несреќата се судриле мотоцикл и патнички автомобил.
Поради сообраќајката, движењето на возилата е значително отежнато, а на патот е формирана колона долга околу еден километар.
Засега нема официјални информации за евентуално повредени лица, ниту за точните околности под кои се случила несреќата.
Се очекуваат повеќе детали од надлежните служби.
