По локализирањето на пожарот во Дојран, градоначалникот на општината објави фотографија на социјалните мрежи на која е качен на кровот од противпожарно возило, информирајќи дека огнената стихија е изгасната.
„Со Божја помош пожарот во Дојран е изгаснат“, напиша градоначалникот во објавата.
Тој упати благодарност до сите служби и граѓани кои учествувале во интервенцијата, меѓу кои ТППЕ Гевгелија, ТППЕ Струмица, ТППЕ Валандово, Доброволното противпожарно друштво Дојран, „Македонски шуми“, Граничната полиција, Центарот за управување со кризи и сите останати кои помогнале во справувањето со пожарот.
