Топлото време повторно ги натера граѓантие за излезат надвор и да прошетаат на сонцето и покрај препораките на Владата дека мора да останат во своите домови поради заштита од корона вирусот.
Раздвиженост по кејот има во Охрид. Во градот овој период има и жители на други градови кои имаат викендици, како и станови. Но ова што се случува денеска е спротивно на препораките и апелите на владата која постојано повторува да не се излегува надвор доколку нема потреба. Засега никој не може да се казни за оваа граѓанска непослушност, бидејќи станува збор за мерка, но не и забрана. Токму поради ова денеска се размислува за поригорозна мерка поточно воведување полициски час, односно, рестрикција во движењето.
Владата чека известувања од повеќе институции, како и Комисијата за заразни болести за днвевните и ноќните рестрикции со цел да ги усвои на владина седница.
Ваква слика можеше да се види и во Скопје во текот на вчерашниот ден, кога жителите се шетаа по кејот на Вардар.
Инаку бројот на заболени денеска до 12 часот е 9, а детали ќе се изнесат во 15 часот на прес конференцијата на минситерот за здравство Венко Филипче.
