Унгарскиот суд најверојатно денеска ќе ја соопшти одлуката дали ќе дозволи екстрадиција на осудениот екс премиер, Никола Груевски, кој се наоѓа во бегство во Будимпешта.
Како што објавија унгарските медиуми, тој денеска пристигна во судот и го следеше судењето со безбол капче и очила за сонце. Очилата се оние за кое се крена многу врева пред неколку години кога на социјалните мрежи се појави фотографија од одмор на тогашниот премиер во Израел со очила од 60 000 долари.
Инаку денеска Груевски во судот во Будимпешта покрај скапите очила, пред себе носи палто, поради што се претпоставува дека рацете му се во лисици. Тој одбил да даде изјава за новинарите.
