Армијата и денеска со хеликоптерска поддршка учествуваше во справувањето со пожарот во подрачјето на Дебар, во рамки на континуираните ангажмани за поддршка на надлежните институции.
Воздухопловниот ВИНГ во тричасовната интервенција ангажираше хеликоптер Ми-8МТ, кој реализираше повеќе летови со вкупно 11 исфрлања и 22 тони вода врз критичните жаришта на пожарот.
Од Армијата информираат дека воздушното дејствување било спроведено според проценката на состојбата на теренот и во координација со надлежните институции и силите ангажирани во гаснењето.
Приоритет бил даден на активните жаришта и спречувањето на понатамошното ширење на огнот.
