(Фото и видео) Автобус со 84 српски туристи излетал од патот во Бугарија: Нема повредени

Автобус со 84 патници, сите државјани на Србија, излетал од коловозот во Бугарија, но во несреќата нема повредени, соопшти Амбасадата на Србија во Бугарија.

— реклама —

Несреќата се случила кај исклучувањето за Панѓуриште, во правец кон Софија. Двокатниот автобус ја пробил заштитната ограда и завршил на блиската нива.

По несреќата, сите патници безбедно го напуштиле автобусот и биле пренесени до блиската бензинска станица „Инса оил“. Таму се очекува да пристигне друг автобус што го обезбедил српскиот превозник, со кој патниците треба да го продолжат патувањето кон Србија.

— реклама —

View this post on Instagram

— реклама —

Од Амбасадата на Србија наведуваат дека ја следат ситуацијата и се во постојан контакт со надлежните бугарски институции.

Според бугарското Министерство за надворешни работи, во несреќата е причинета материјална штета на автобусот и на инфраструктурата.

— реклама —

Според медиумските информации, патниците се враќале од летување во Кушадаси.