(Фото и видео) Голем пожар кај штипско Селце: Вклучени хеликоптери, пожарникарите пожртвувано бранат над 100 викендици

Силниот ветер го разгоре пожарот кај штипското село Селце, поради што на терен е ангажиран уште поголем број пожарникари и доброволни пожарникари, информира Стојанче Ангелов.

Според него, главниот фокус во моментов е одбраната на блиските викендици, кои биле директно загрозени од огнената линија.

— реклама —

„Пожарникарите со голема жртва успеаја да ја стопираат линијата на огнот. Постоеше опасност за викендиците, кои по број се повеќе од едно големо македонско село“, рече Ангелов.

— реклама —

Тој додава дека засега состојбата е под контрола и дека на повеќе точки има доволен број пожарникари.

— реклама —

Во гаснењето се вклучени и хеликоптери.

— реклама —

Ангелов предупредува дека пожарот се шири во правец кон Серта, подрачје каде што, како што рече, речиси секоја година имаат тешки искуства со пожари.

„Засега имаме контрола“, рече Ангелов, додавајќи дека состојбата внимателно се следи поради силниот ветер и ризикот од повторно разгорување.