(Фото) Исплашено и заробено во пожарот: Пожарникари спасиле мало теле на Китка

Во борбата со големиот пожар што беснее над селото Палиград на планината Китка, пожарникарите од Противпожарната бригада на Град Скопје спасиле и едно мало теле оставено на опожарениот терен.

— реклама —

Како што информира ЦУК, животното било пронајдено во метежот и огнот, исплашено и беспомошно, но пожарникарите успеале да го извлечат од опасната зона.

— реклама —

„Мало, исплашено, но живо – една мала победа во тешкиот ден“, се наведува во информацијата.

— реклама —

Од ЦУК посочуваат дека пожарите не ја загрозуваат само природата, имотот и животите на луѓето, туку и животните кои често остануваат беспомошни пред огнената стихија.

— реклама —

Оттаму упатуваат апел за максимална внимателност и одговорност при користењето оган, бидејќи последиците од пожарите, без разлика дали се предизвикани намерно или поради невнимание, ги погодуваат сите живи суштества.