Владата на Република Северна Македонија на денешната 34-та седница, донесе одлука за забрана и посебен режим на движењето на населението (полициски час) во Општина Куманово, и тоа целосна забрана за време на викенд, почнувајќи од 21:00 часот во петок (денеска) до 05:00 часот во понеделник (06.04.2020 година). Во работните денови, од понеделник до петок, забраната важи секој ден во периодот од 16:00 до 05:00 часот.
По оваа вест граѓаните на Куманово се растрчаа по продавници да купуваат храна.
На социјалните мрежи се шират фотографии од групи граѓани пред продавници, маркети, но има и критики зошто попладнево граѓаните се информирани дека по 21 часот, па до понеделник нема да се движат. Според нив, требало порано во текот на денот да се соопшти веста, за да имаат време да си набават поголема количина на храна.
https://www.facebook.com/photo.php?fbid=10157835762010306&set=pcb.10157835839445306&type=3&theater
