Врнежи од снег и ноќеска ги натрупаа автопатите. Иако се чистат, поради интензитетот на врнежите, се чини дека надлежните институции не можат да постигнат. Па така, на Плетвар има и неколку заглавени камиони кои не можат да мрднат подолго време, бидејќи коловозот е лизгав. Таму се препорачува внимателно возење.
Лизгаво е и на автопатот Скопје-Тетово, во делот од последната патарина до влезот на Тетово, јавуваат возачите.
Интензитетот на сообраќај на патните правци надвор од градските средини е умерен. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
