Романскиот брод „Антонија“, синоќа околу 2 часот удрил во носечкиот столб на мостот на граничниот премин Бачка Паланка, јавува Информер.
Бродот под романско знаме туркал шлеп со 1.000 тони вештачко ѓубриво кога удрил во мостот.
Од силината на ударот шлеп почнал да испушта вода и набрзо потонал во водениот пат. На местото на настанот покрај полицијата излегла и противпожарната единица, бидејќи првата дојава била дека бродот потонал, но за среќа се испоставило дека само шлеп завршил на дното на Дунав.
Засега не се знае зошто дошло до судир со мостот, а тоа ќе го утврди истрагата.
За инцидентот е информиран Секретаријатот на Владата на АП Војводина, а засега не е познато како огромното количество вештачко ѓубриво во водата ќе влијае на животната средина.
Товарниот брод удрил во столбот на мостот „25 Мај“ на Дунав. Сообраќајот и граничниот премин Бачка Паланка - Илок се затворени додека не се изврши истрага и проценка на штетите
