(Фото) Од дива депонија до мегапарк: Карпош добива зелена површина од 86.000 квадратни метри

На местото на долгогодишната дива депонија во скопската општина Карпош се уредува нов мегапарк со површина од 86.000 квадратни метри. Градоначалникот на Скопје, Орце Ѓорѓиевски, информира дека работите се одвиваат со засилена динамика, а просторот постепено се претвора во зелена површина наменета за одмор, спорт и рекреација.

— реклама —

— реклама —

— реклама —

Според неговата објава, покрај зеленилото и дрвјата, паркот ќе располага со спортски терени, фитнес-зони, пешачки патеки, урбана опрема и осветлување, како и со сопствена хидрантска мрежа.

— реклама —

Ѓорѓиевски посочува дека создавањето нови паркови е меѓу неговите приоритети, додавајќи дека за една година, според неговите податоци, се создадени 200.000 квадратни метри парковски површини.