Непознати сторители оштетиле споменик посветен на жртвите од неуспешниот државен удар во 2016 година во Турција, кој се наоѓа во близина на вештачкото езеро во Големиот парк во Тирана.
Топ Чанел објави дека инцидентот се случил утрово. Поставувањето на овој споменик во вештачкото езеро во Тирана беше проследено со многу реакции, на социјалните мрежи. Споменикот е посветен во чест на жртвите од обидот за пуч во Турција на 15 јули 2016 година против претседателот Реџеп Таип Ердоган. Пучот не успеа, а Ердоган го обвини свештеникот Фетулах Ѓулен, дека тој стои зад обидот за негово соборување од власт.
