Пустошот кој се случува во шумските атари на потегот помеѓу селата Вапила, Сирула и Расино не запира. Овој богат шумски предел е опустошен, фотографиите во прилог доловуваат многу малку од оваа катастрофа, објавија на соцјалната мрежа ФБ од Охрид SOS.
Во објавата се додава:
На самото место се слушаа само моторните пили. Ова се случува на само неколку километри од Охрид. Реагиравме до ЈП „Македонски шуми“, до шумската полиција, да се дознае за што се работи, дали тие ја изведуваат оваа сеча или некои нелегални групи. Доколку нивните служби го прават ова, бараме од нив да кажат какви компензациски мерки ќе се одвиваат и кога ќе се пошумува овој крај. Дополнително, дали постои некаков план според кој работат. Доколку е сепак недозволена сеча, ќе бараме да се вклучи и Министерство за внатрешни работи.
