Почетокот не ветува единствена и работа во интерес на граѓаните. Прифатија, дадоа свечени изјави, ќе примаат плати од граѓаните, но првиот чекор е како да ја бојкотираат Владата во која се избрани.
Двајцата министри од редовите на ВМРО-ДПМНЕ, за внатрешни работи и за труд и социјална политика уште на почеток го изигнорираа Талат Џафери но и колегите со кои од утре треба да седат на владините седници и да носат одлуки.
Џафери уверуваше да не бидат загрижени граѓаните: @Бидејќи работата на Владата ќе биде суштинска заедно со нив, затоа што и тие исто како и ние што сме на сликата имаат законска обврска да одговорат на обврската што ја презеле од вас преку оние што гласаа за составот на Владата, но таа обврска е преземена и од тие што не гласаа воопшто, што не беа во салата. Тоа е сликата што сте навикнати да ја гледате и во работата на Собранието, пред камери се зборува едно, а зад камерите после, кога треба да се работи, поинаква е комуникацијата. Затоа не грижете се, бидете спокојни, јас ќе дадам се од себе заедно со тимот кој од ваше име е составен денеска да ги исполни вашите очекувања. Секој кој ќе постапи спротивно, се коси со законот. Во оваа држава има многу закони и прописи што треба да се спроведат, изјави Џафери.
