(Фото) Се запали летна кујна во радовишко: брзата реакција на пожарникарите спаси куќа од огнот

Помошен објект – летна кујна, се запалил денеска попладне во селото Ораовица, при што брзата интервенција на пожарникарите спречила огнот да се прошири на соседната куќа.

— реклама —

До Центарот за управување со кризи (ЦУК) пријавата била примена во 14:01 часот, по што екипа на Територијалната противпожарна единица Радовиш веднаш излегла на терен со едно противпожарно возило и тројца пожарникари.

— реклама —

Пожарот бил во почетна фаза, а благодарение на навремената реакција на пожарникарите било спречено огнот да ја зафати куќата која била непосредно залепена до летната кујна.

Сопственикот на објектот изразил благодарност до пожарникарите за брзата интервенција, со која била спасена куќата од целосно опожарување.

— реклама —

Припадници на Министерството за внатрешни работи ќе вршат увид за да се утврдат причините за неговото настанување.

— реклама —

Од Територијалната противпожарна единица Радовиш повторно апелираат до граѓаните за внимателност и потсетуваат дека во случај на пожар треба веднаш да се пријави на телефонските броеви 112 или 193.