Денеска на социјалните мрежи беа објавени фотографии од пред трговскиот центар во Скопје, „East gate mall“, каде беше организиран концерт.
На фотографијата се гледа дека на настанот има голем број посетители, а ретко кој од нив ги почитува протоколите за ковид. Најголем дел од посетителите се деца.
„Најзабавниот концерт на планетата - Дајте музика. Ти си центар“, стои во објавата на социјалните мрежи.
„Страшно, короната во Ист Гејст не постои“, „и за тука барате сертификати сигурно, нема ковид во гужвава“, се само дел од коментарите под објавата.
Инаку поради зголемениот број новозаразени ученици во основните училишта, Министерството за здравство се одлучи да спроведе скрининг, кој треба да покаже каква е трансмисијата на ковид-19 меѓу учениците.
