Маркетинг компанија постави билборд на една од најфреквентните локации кај Стара железничка, место за фотографирање на многумина туристи. Но, по јавните реакции, за помалку од една недела - беше отстранет.
„Со кој ум!? .. некој дал дозвола на една од најфотографираните локации за луѓето што го посетуваат градот да се постави билборд, од кој тешко ќе може да се види застанатиот часовник на Стара железничка!. Домаќине!? Има ли некој дома!?“, беше првичниот бунт на еден од граѓаните.
По неколку дена - билбордот го нема.
„Вчера видов како коментар на еден од споделените постови и не ми се веруваше дури не видов со свои очи. Денес проверив. Имало надеж. Ме радува ако придонесов барем малку“, пишува граѓанинот.
