Албанскиот премиер Еди Рама во последно време има проблем со изборот на гардеробата на официјалните средби. На трилатерална средба во Охрид, Рама се појави во црн костум, црвена вратоврска и патики „Адидас“.
За прв пат комбиниран стил на патики и костум презентираше во Брисел во мај годинава и од тогаш некако се навикнуваме на официјалните средби да се појавува во патики и тренерки и сако. На самитот во Трст албанскиот премиер дојде во костум со бели патики. Со тој „аутфит“ Рама се појави на средбите и со францискиот претседател Емануел Макрон и со македонскиот премиер Зоран Заев.
На средбата на В4 (Полска, Унгарија, Чешка, Словачка), во Прага, Рама одлучи повторно оделото да го комбинира со бели патики.
Албанскиот премиер и кога беше домаќин на неформалниот останок на премиерите од земјите на Западен Балкан високите гости ги дочека во спортски стил и патики.
Рама беше критикуван заради стилот на облекување, а на еден од овие настани не му беше дозволено да се фотографира на групната фотографија со другите лидери.
При посетата на Белград Рама, слета во веќе препознатлива црно-бела модна комбинација, која ја носел и претходно, бела кошула со црно сако, црни чакшири, црна вратоврска и црни патики со бела гума.
