Најмалку едно лице го загуби животот, а 17 се повредени во тешка сообраќајна несреќа што денеска се случи на главниот пат Котор – Никшиќ, кај местото Липци, јавуваат црногорските медиуми.
Според неофицијалните информации што ги објави ТВ Вијести, несреќата се случила околу 13:40 часот, кога патничко комбе излетало од коловозот.
Од Полициската управа за „Вијести“ неофицијално потврдиле дека во несреќата едно лице загинало, додека 17 лица се здобиле со повреди.
Повредените се пренесени во болницата во Рисан, каде им се укажува медицинска помош.
Причините за несреќата засега не се познати, а увидот е во тек.
