(Фото) Три девојки повредени во сообраќајка на автопатот Скопје-Велес, автомобилот превртен на кров

Три девојки се повредени во сообраќајна несреќа што денеска околу 14:20 часот се случила на автопатот Скопје-Велес, на мостот по наплатната станица Сопот.

— реклама —

Според информациите од МВР, патничко возило „опел“ со велешки регистарски ознаки, управувано од 19-годишната Л.Ќ. од Велес, се превртело на коловозот.

— реклама —

Во несреќата со телесни повреди се здобиле возачката Л.Ќ., како и сопатничките Е.Ш.(20) и Т.Т.(17), двете од Велес.

— реклама —

Повредите биле констатирани во Општата болница во Велес.

— реклама —

За настанот е известен јавен обвинител, а увид на местото извршила увидна екипа од СВР Велес.