Мордици, гребаници, крв. Вака изгледаат фотографиите споделени на социјалната мрежа „Фејсбук“ од активистката Марија Баришин-Луче, а за кои тврди дека се од силувана трудница. За истиот случај, јавно реагираше и докторот Ненад Лазаров, кој побара институциите итно и одма да реагираат.
„Ем трудна, ем сама, ем бездомна и уште кој стигна ја тепа и силува. Се по список... Шелтер некаков да ја прими имаме ли или уште нема кревет?“, прашува активстката.
Се огласи и доктор Лазаров, кој прво праша: „Кога станавме држава каде трудница оставаме да спие на улица гладна и жедна, кога?“.
„Сигурен сум дека многу луѓе од власта го видоа постот за трудницата силувана и тепана, ве молам излезете од личниот комфор и дигнете пар телефони, до моментов, истата не е згрижена. Зборуваме за потреба од сместување во институција и заштита, ова не е случај за стан да се изнајмува и сл. Ве молам, апелирам, да не дозволиме да се случи уште една трагедија!“, напиша Лазаров.
Потоа тој појасни дека станува збор за секундарно бездомништво.
„Еве имам инфо дека ја бара Министерството за труд и социјала, кај мене последната надеж умира, а и позамарав луѓе што го познавам што можат да реагираат“, додаде Лазаров.
Непознато е како е постапено со трудницата.
