На социјалните мрежи се појавија фотографии од лица во костими за капење како се качуваат по надворешниот ѕид на кулата на црквата „Св. Никола“ во Маврово, што предизвика реакции во јавноста.
Во објавата се наведува дека посетителите пристигнале со комбиња и се качувале по објектот на храмот, при што авторот оценува дека нивното однесување и облекување не соодветствуваат со карактерот на црковниот простор.
Авторот истовремено апелира до надлежните институции да извршат увид и да проверат дали при ваквото однесување е направена материјална штета или се прекршени правила за заштита и користење на објектот.
Во објавата се посочува дека не станува збор за проблем со туристите, туку со начинот на кој дел од посетителите се однесуваат кон местото, кое има верско, културно и туристичко значење.
Од Општина Маврово и Ростуше, полицијата и останатите надлежни институции засега нема официјална реакција.
