Секоја година, секое годишно време, жителите на Аеродром и Лисиче се жалат на истиот проблем. Чадот, смрдеата, загадениот воздух. Ова остана нарешено, а оваа зима, сметаат дека ќе биде полошо и од претходните, ако температурите паднат на ниско ниво.
Во групата „Стоп за смрдеата во Аеродром и Лисиче“, утрово се споделени фотографии, но и искуство.
„Не може да се дише утрово! Чад и смрдеа од изгорена пластика и гума од Вардариште до Охис!!“, напиша корисникот.
На ова се надоврза и друг жител на овој дел од Скопје, кој додаде: „За жал, секој ден е вака“.
И новата локална самоуправа, предводена од Данела Арсовска, не го реши проблемот со загадувањето.