(Фото) Зеленски бара помош по рускиот напад во кој загинаа две девојчиња

Шест лица, меѓу кои и две девојчиња, загинале во руски напад со беспилотни летала во Харковската област, во североисточна Украина. Уште 14 лица се повредени, меѓу нив и шест деца, соопшти украинскиот претседател Володимир Зеленски.

— реклама —

Според Зеленски, дроновите директно погодиле луѓе во парк, во близина на кафуле. Меѓу загинатите е и малата Ангелина, родена во август 2025 година, која во моментот на нападот била во детска количка. Нејзината мајка Ина починала во болница. Во нападот загинало и 11-годишно девојче.

— реклама —

Зеленски изрази сочувство до семејствата на загинатите и повторно побара од меѓународните партнери да ја зголемат поддршката за Украина, особено во областа на противвоздушната одбрана. Тој нагласи дека заштитата на човечките животи мора да биде приоритет.

— реклама —

Украинскиот претседател повика и на продолжување на санкциите против Русија сè додека траат нападите. Од САД побара поодлучни мерки и примена на иницијативата поврзана со законот на Линдзи Греам, а од европските земји – да продолжат со поддршката за Украина.

„Украина сака мир. Русија е таа што цело ова време инсистира на продолжување на убивањето“, порача Зеленски, повикувајќи ја меѓународната заедница да ги искористи сите расположливи средства за запирање на војната и гарантирање на безбедноста.