Запленети 749 пиротехнички средства од Дрин Ахмети, внук на Али Ахмети и тазе сопственик на „Соравија“. „Скопје1“ дознава дека при претресот, пиротехничките средства биле на задните седишта, како и во гепекот на возилото.
„Денеска (30.12.2023) во 19.50 часот на ул.„Самуилова“ во Скопје полициски службеници запреле патничко моторно возило „ренџ ровер“ со албански регистерски таблички, управувано од Д.А. (25) од с.Зајас-Кичево и при преглед на возилото се пронајдени 749 пиротехнички средства“, велат од МВР.
Лицето е приведено во полициска станица и по документирање на случајот ќе биде поднесен соодветен поднесок.
„Скопје1“ објави дека Дрин Ахмети беше уапсен, а споделивме и снимка од него, како и претресот во неговиот автомобил. Побаравме и одговори, зошто со него носел голема количина на пиротехнички средства, но нема одговор.
(Видео) Уапсен е Дрин, внукот на Али Ахмети и тазе газда на „Соравија“
Уапсен е Дрин Ахмети, внукот на Али Ахмети, дознава „Скопје1“. Тој е во полициската станица „Беко“. Според првичните неофицијални информации, Ахмети бил фатен со поголема количина на пиротехнички средства. „Скопје1“ го улови возилото пред полициската станица во Центар. Таму имаше и проверки, а Ахмети беше вратен во станица. Тој вози џип „ленд ровер“, со албански регистарски ознаки.Го запреле полициската екипа „Тигри“. Побарале и направиле претрес во неговиот автомобил. Во него имало пиротехнички средства. Непознато е како Ахмети се однесувал со полициските службеници.Трговијата со пиротехника е забранета. Поради ова се очекува кривична постапка против Дрин Ахмети.„Скопје1“ побара детали од МВР, од каде до овој момент немаме никакви информации. Прашања упативме и до Дрин Ахмети, за тоа дали е уапсен поради пиротехника, како и колкава количина поседувал. Од него, нема одговор.Инаку, Дрин, внук на Али Ахмети е и контроверзниот сопственик на трговскиот центар „Соравија“. Тој не вложи ниту денар, а доби објект во центарот на Скопје. Купопродажбата ја правдаше пред медиумите, но никогаш не откри од каде е капиталот, иако вети дека информацијата ќе биде јавна во септември.Институциите кажаа дека ќе покренат предмет, но нема истрага, ниту се знае што открила предистрагата.
Македонија | пред 1 година
