Француската фудбалска репрезентација обезбеди пласман во нокаут-фазата на Светското првенство 2026, откако ноќеска, во второто коло од групата И, убедливо го совлада Ирак со 3:0 на стадионот „Линколн Фајненшл Филд“ во Филаделфија.
Французите поведоа уште во 14. минута, кога капитенот Килијан Мбапе ја затресе мрежата на противникот и го постави резултатот од првото полувреме.
Почетокот на вториот дел беше неколкупати одложуван поради издадена портокалова тревога за грмотевици над стадионот, па натпреварот продолжи дури по двочасовен прекин.
По продолжувањето на играта, Мбапе повторно беше прецизен по асистенција на Усман Дембеле и го удвои водството на Франција. Конечните 3:0 ги постави освојувачот на „Златната топка“ за 2025 година, кој се запиша меѓу стрелците и ја потврди убедливата победа на својот тим.
По две одиграни кола, Франција и Норвешка се наоѓаат на првите две позиции во групата И и веќе обезбедија место во плејофот, додека Сенегал и Ирак остануваат без освоен бод.
Во последното коло од групната фаза, Франција ќе се соочи со Норвешка, а Ирак ќе игра против Сенегал.
