37-годишен маж од Кавадарци бил лишен од слобода откако, според пријавата, агресивно се однесувал во својот дом, фрлал предмети кон сопругата и им се заканувал на неа и на нивната малолетна ќерка.
Од МВР информираат дека В.Г. бил приведен на 7 септември во 1:10 часот од страна на полициски службеници од ОВР Кавадарци, по претходна пријава за семејно насилство.
При преземените мерки и проверки било утврдено дека 37-годишникот бил под дејство на алкохол, при што му биле измерени 2,97 промили алкохол во крвта.
В.Г. бил задржан во полициска станица, а за случајот бил известен јавен обвинител. По целосното документирање на настанот, против него ќе биде поднесена соодветна пријава.
