Фрлиле дрога од автомобил при полициска контрола: приведени две лица од Кичево

На подрачјето на Кичево полицијата пронашла пакување со бела прашкаста материја, а во врска со случајот се лишени од слобода две лица.

— реклама —

Како што информира МВР, на 11 август во 21:30 часот во селото Србјани, кичевско, полициски службеници од ОВР Кичево ги лишиле од слобода И.Б. (43) и А.Л. (29), двајцата од Кичево.

— реклама —

Претходно, полицајците дале знак за запирање на патничко возило „пежо“ со кичевски регистарски ознаки, кое го управувал И.Б., додека А.Л. бил сопатник. Во моментот кога возилото било запрено, двајцата од прозорецот фрлиле пакување со бела прашкаста материја, кое подоцна било пронајдено и одземено.

При преземањето на мерките било утврдено и дека И.Б. го управувал возилото иако имал активна забрана за управување со моторно возило од категорија Б.

— реклама —

За случајот бил известен јавен обвинител, по чија наредба возилото било одземено. ОВР Кичево до ОЈО Кичево поднело кривична пријава против двете лица.

— реклама —

Судија на претходна постапка од Основниот суд во Кичево им определил мерка притвор во траење од 30 дена, по што тие биле спроведени во казнено-поправната установа Затвор Битола.