Укинувањето на квотата за лекови во туристичките места ќе важи само за август, а освен пациентот лековите без квота може да ги повлече и некој роднина, но со лична карта или пасош.
„Лекот на рецепт во аптеката осигурено лице може да го подигне само доколку се идентификува со лична карта односно пасош. Во случај кога осигуреното лице од здравствени или други причини не е во можност лично да го подигне лекот во аптеката, лекот на рецепт во негово име може да го подигне друго лице кое треба да се идентификува со своја лична карта, односно пасош“, наведуваат од Фондот.
Инаку моделот на аптеки без квоти започна како пилот проект започна овој месец во 43 аптеки кои се лоцирани во туристичките центри на територијата на подрачните служби на Фондот во Гевгелија, Охрид, Ресен и Струга и тоа во следните места: Нов Дојран, Охрид, Пештани, Крани, Царев Двор, и Струга.
До моментот на целосно укинување на квотите на сите аптеки, во месец август во овие пилот аптеки издавањето на лековите на рецепт ќе се врши како и досега.
