„Само една мала прошетка во строгиот центар на Скопје е доволна да се види неспособноста и криминалот на дело.
Скопје изгледа како да го погодиле неколку гранати“, пишува новинарката и главна уредничка во „Блумберг“, Наташа Стојановска на својот фејсбук профил.
Таа додава:
„Недовршени објекти оставени да не потсетуваат што се помина оваа држава и какви беа очекувањата. А што гледаме сега? Зарем немаше закон според кој ако некој не го заврши објектот односно нема фасада во рок пет години да следува казна? Всушност, тоа е само моја непотребна дилема, кога дојде ред да не собира смет што останува за друго?! Галија, во која може хорор филм да се сними. Узурпирани тротоари и улици со амин на МПЦ.
Ѓубре на сите страни. Важно, на секој чекор има казина и обложувалници што е можно поблиску до училишта со амин на сите пратеници. Оти да сакаа да сменат ќе сменеа. Не продолжив да сликам на улица Македонија, немав сила за тоа. Центарот на градот како никогаш досега е уништен. Има ли надеж воопшто да се смени оваа слика?“
