Газираните сокови причина за раниот пубертет?

Факт е дека старосната граница на почетокот на пуберетот се намалува, а научниците дале појаснување за тоа.

— реклама —

Честата консумација на газирани сокови може кај девојчињата да биде поврзана со поран почеток на пубертетот, укажува истражувањето спроведено на Харвард.

— реклама —

Следејќи околу 5.600 девојчиња на возраст од девет до 14 години, научниците пресметале дека меѓу испитаниците, кои пиеле повеќе од 1,5 дози газирани сокови дневно до првата менструација доаѓало просечно 2,7 месеци порано отколку кај нивните врсници, кои пиеле помалку газирани сокови неделно.

Воочената врска била независна од индексот на телесната маса на девојчето.

— реклама —

Инаку, раниот почеток на пуберетот кај девојчињата е поврзан со поголемиот ризик од депресија во адолесенцијата и рак на дојката во повозрасните години, тврдат научниците.

Според нив, добиените наоди е можно да се појаснат со последиците од консумација на голема количина шеќер од газираните сокови, што доведува до зголемување на присустноста на инсулин и некои полови хормони поврзани со поран почеток на пуберетот.