ГДУ: Скопје мириса на изгорено, дишеме отрови,  а функционерите се тука само за сликање

Црни густи  чадови со најтоксични отпади секојдневно не трујат. Скопје мириса на изгорено. Дишеме отрови,  а функционерите се тука само за сликање. Надлежните наместо да бидат на терен и да преземаат нешто, тие дремат по канцеларии и кафани.  Граѓаните и активистите џабе апелираат и пријавуваат. Службите работат до 16:00 часот, па после работно време никој ништо не го интересира. Најголем дел од мерните станици не работат, се вели во соопштението од ГДУ.

— реклама —

Мора да се преземе нешто! Статистиките за заболувања од малигни болести се загрижувачки. Децата ни дишат отрови. Загрозена е безбедноста од загадениот воздух.

— реклама —

ГДУ апелира надлежните наместо да се кријат , да излезат на терен. Се сомневаме дека мерните станици намерно се исклучуваат.

Притоа од активистите слушаме дека инспекторите од Град Скопје стравувале за својот живот и не можат да интервенираат во одредени делови од Скопје бидејќи добивале закани. Бараме да се истражат овие наводи и на инспекторите да им се овозможи непречено да си ја вршат својата работа. Но наводно се плашеле и од полицијата.

— реклама —

Спасовски дали се точни овие наводи? Дали ќе сториш нешто ? Ќе преземе ли нешто власта или ќе не остави да се труеме, прашуваат од ГДУ.

— реклама —