Гејминг индустријата доби една од најголемите вести годинава откако чешкото студио Warhorse Studios официјално потврди дека работи на нова RPG игра сместена во светот на Средната Земја од Господарот на прстените.
Студиото, познато по серијалот Kingdom Come: Deliverance, преку објава на социјалната мрежа X соопшти дека станува збор за open-world RPG проект кој засега нема официјален наслов. Воедно беше потврдено дека паралелно е започнат и развој на уште една игра од франшизата Kingdom Come.
Иако деталите за проектот сè уште не се познати, најавата предизвика огромен интерес кај гејмерите, особено поради репутацијата што Warhorse ја изгради со своите комплексни и реалистични RPG игри.
Многумина сега се прашуваат дали новата игра ќе остане верна на first-person перспективата по која студиото е препознатливо, или пак ќе понуди third-person акциски пристап сличен на The Witcher 3: Wild Hunt.
Со оглед на тоа што Kingdom Come е познат по реалистичен и тежок гејмплеј, дел од фановите веќе шпекулираат дека новата игра би можела да понуди сурово и реалистично искуство во светот на Средната Земја, можеби од перспектива на обичен војник или хобит кој се обидува да преживее во војна.
