Георгиески: Ја поздравувам Уредбата со законска сила која ја усвои Владата во делот на управувањето со плажите, ова направи ред во искористувањето на крајбрежјето

Почитувани, ја поздравувам Уредбата со законска сила која ја усвои Владата на Република Северна Македонија за примена на Законот за градежно земјиште, во делот на управувањето со плажите, напиша на својот ФБ профил градоначалникот на Охрид, Константин Георгиески.

Со ова очекувам конечно да се стави ред во искористувањето на крајбрежјето на Охридското Езеро за туристички цели, кое се провлекуваше како проблем, години наназад.

— реклама —

Оваа одлука придонесува за исполнување на визијата и целите на Планот за управување со природното и културното наследство на Охридскиот регион, кои се во насока на минимизирање на заканите на исклучителната универзална вредност.

— реклама —

Тука особено се потенцира важноста за воспоставување на поголема контрола на крајбрежната трансформација за целите на масовен туризам и зголемена контрола врз уредувањето на постојните плажи.

— реклама —

Оваа уредба значително ќе придонесе и во насока на исполнување на препораките од УНЕСКО, во делот на стопанисувањето со крајбрежјето.