Се интензивираат активностите за дефинирање на начинот и планот за вклучување на докторите интернисти од приватните здравствени организации за помош и поддршка на здравствениот систем во борбата со КОВИД 19, напиша на својот ФБ профил градоначалникот на Охрид, Константин Георгиески.
Градоначалникот во објавата уште додава:
На вториот он-лајн состанок кој го одржавме денеска со колегите од Лекарската комора и министерот за здравство Венко Филипче, уште еднаш беше потенцирана важноста од ангажирање на поголем број стручни здравствени работници кои би дале придонес во надминувањето на здравствената криза.
Само со заеднички сили, силна посветеност и конкретни мерки можеме да ги ублажиме последиците од вториот есенски бран на вирусот и да овозможиме посоодветен третман на пациентите во нашата држава.
