Германското Министерство за надворешни работи го повика кинескиот амбасадор на итен разговор поради медиумските извештаи дека руски војници се обучуваат на територијата на Кина.
Во соопштението на Министерството се наведува дека извештаите се „длабоко загрижувачки“ и дека укажуваат на можна поддршка од кинеските државни структури, вклучително и Народноослободителната армија на Кина, за руската агресија врз Украина.
„Сè што ѝ овозможува на Русија да ја продолжи агресијата против Украина претставува и закана за нашата безбедност“, порача германското Министерство.
Германскиот весник „Ди Велт“, повикувајќи се на доверливи документи од европските разузнавачки служби, претходно објави дека кинеската армија тајно обучувала неколку стотици руски војници, од кои дел подоцна биле распоредени на украинското бојно поле.
Засега нема официјална реакција од кинеските власти во врска со овие наводи.
