Германија под аларм поради екстремни горештини, издадено предупредување за речиси целата земја

Германската метеоролошка служба (DWD) издаде предупредување за уште еден ден со екстремно високи температури, кое важи за речиси целата територија на земјата.

— реклама —

Според прогнозите, најкритична ќе биде состојбата во централните, јужните и источните делови на Германија, каде што најголемото топлотно оптоварување се очекува во периодот од 11 до 19 часот. Исклучок се само делови од северот и северозападот на земјата.

— реклама —

Предупредувањето се однесува на услови во кои високите температури создаваат сериозно оптоварување за организмот, а домовите не успеваат доволно да се разладат ниту во текот на ноќта.

Германските метеоролози ја темелат прогнозата на таканареченото „субјективно чувство на топлина“, кое во раните попладневни часови ќе надмине 32 степени. Аларм за „екстремно топлотно оптоварување“ се издава кога се очекуваат температури повисоки од 38 степени.

— реклама —

Од DWD ги повикаа граѓаните да избегнуваат директно изложување на сонце, физичките активности да ги извршуваат во раните утрински часови, редовно да внесуваат течности, да носат лесна облека и да избегнуваат консумирање алкохол.

— реклама —

Исто така, се препорачува просториите да бидат заштитени од сонцето во текот на денот и да се проветруваат дури откако ќе помине најтоплиот дел од денот.